Marta Ces

Marta Ces, profesora de canto, baile e pequena percusión tradicional galega, buscaba unha identidade visual moderna e orixinal que reflectise a enerxía das súas clases de música.

Identificouse a pandeireta como elemento central da marca e transformouse nun símbolo abstracto pero recoñecible a través do uso das ferreñas.

A paleta de cores atópase inspirada na tradición galega, co vermello e o negro como protagonistas. A integración do crema e o azul mar achega tamén un aire fresco e contemporáneo.

O resultado final é unha identidade visual que convida ao festexo da música galega sen perder a tradición pero incorporando un ton e un aspecto máis actuais e modernos.